Ресейдің Еуроодақ жанындағы тұрақты өкілі Владимир Чижов Қазақстанның осынау жауапты лауазымдағы жұмыс перспективасына арналған Брюссель конференциясының қорытындысы бойынша журналистерге берген сұхбатында осындай пікір айтты.
Оның айтуынша, Қазақстанның Ислам конференциясы ұйымына төрағалығы — Шанхай ынтымақтастық ұйымындағы қызметтен де маңыздырақ. «Себебі, Ислам конференциясы ұйымы ислам өркениетіне қатысы бар елдердің басын біріктіріп отыр. Ал ондай елдер өте көп және олардың барлығы бірдей саяси постулат пен саяси мақсаттарды насихаттап отырған жоқ. Екінші жағынан, Ислам конференциясы ұйымын қайта құрумен ЕҚЫҰ мен ШЫҰ-дағы төрағалық тәжірибесі бар Қазақстан айналыспағанда, басқа қай ел айналысады. Менің түсінуімше, қазақстандық төрағалықтың мақсаттарының бірі — Ислам конференциясы ұйымын қайта құру болатын сияқты», — дейді В.Чижов.
20 маусымда Брюссельде Қазақстанның Ислам конференциясы ұйымына төрағалығының перспективаларына арналған конференция өткенін ҚазАқпарат бұған дейін хабарлаған болатын.
