Ведомствоаралық комиссия Қазақстан аумағын дамытудың бас схемасын қарайтын болады

Бұл аптада ведомствоаралық комиссия Қазақстан аумағын дамытудың бас схемасын қарайтын болады, деп хабарлады Қазақстан орталық коммуникациялар қызметінің ресми өкілі Алтай Әбібұллаев.

«11 желтоқсан күні Қазақстан аумақтарын дамытудың бас схемасын пысықтау мәселесі жөніндегі ведомствоаралық комиссияның отырысы өтпек. Отырыста Қазақстан аумағын дамытудың бас схемасын кешенді әзірлеудегі жобалық сатының орындалу барысы қаралады», деді ол дүйсенбіде Астанада баспасөз мәслихатында.