Велотректен әлем кубогының бірінші сатысы Астанада өтеді

Ұйымдастыру комитетінің жұмадағы хабарламасына сүйенсек, жарысқа француздың ең үздік командасы қатысады.

Атап айтсақ, спринттен үш дүркін әлем чемпионы, 200 метрлік жарыста әлемдік рекорд орнатқан, былтырғы Әлем кубогының алты сайысында жеңіп шыққан велошабандоз Кевин Сиро (Kevin Sireau) жеке және командалық спринтте өнер көрсетеді.
Сонымен қатар, жарысқа командалық спринттен төрт дүркін әлем чемпионы Микаэль Бургейн (Mickael Bourgain) мен қазіргі әлем чемпионы, Олимпиада ойындарының қола жүлдегері Микаэль Алмейда (Mickael Almeida) да қатысады.