Оның айтуынша, бүгінгі таңда Вьетнам экономикасындағы қазақстандық компаниялардың саны аз болса да, олардың табысты жұмыстарын ерекше атап өткен жөн. «Мәселен, қазақстандықтардың қатысуымен Вьетнамда цемент зауыты ашылып, тұрғын-үйлердің құрылысы жүргізіліп келеді. Қазіргі кезде біз Вьетнамның геграфиялық жағдайын ескере отырып, Қазақстанның мұнай-газ саласындағы әлеуетін пайдалануға мүдделі болып отырмыз. Себебі Қазақстанда осы саладағы ірі компаниялар бар. Біз осы компаниялардың Вьетнамдағы мұнай-газ кендерін барлау және өндіру жұмысына қатысуларын қолдаймыз», — дейді елші Ву Тхе Хиеп.