Қазақша “Википедиаға” бүгінге дейін 25 мың материал шығыпты. Оның 15 мыңы өткен бір айдың ішінде ғана пайда болған. Жобаны жүзеге асырушылар осы жылдың аяғына дейін, яғни тура ел Тәуелсіздігінің 20 жылдығы күні бұл көрсеткішті 200 мыңға жеткіземіз дейді. Аталмыш электрондық энциклопедияға қазақша мақаланың көптеп шығуы мемлекеттік тілдің өрісін кеңейтуге де зор ықпал жасайды. Өйткені оның таралу ауқымы кең. Қазір “Википедияда” әлемнің 281 тіліндегі 18 миллион мақала бар екен.
Рауан Кенжеханұлы, «Wikibilim» қорының құрылтайшысы:
— Википедиа энциклопедиясы 10 жылдың ішінде әлемдегі бүгінгі таңдағы ең танымал 10 веб-ресурстың қатарына кіріп, ғаламдық қозғалысқа айналды. Қазіргі таңда ай сайын википедиа энциклопедиясына 400 млн-нан астам адам кіріп қарайды.
