АҚШ-та эбола вирусына қарсы алғашқы вакцинаны қолдануға рұқсат берілді, деп хабарлайды Skifnews.kz ақпарат порталы ria.ru-ға сілтеме жасап.
«Бүгін FDA агенттігі 18 жастан асқан адамдар арасында Эбола вирусының алдын алу үшін агенттік бекіткен алғашқы вакцина, Erveboны қолдануға рұқсат бергенін мәлімдеді», — деген мәтінде агенттіктің ресми сайтында ақпарат жарияланған.
Естеріңізге салсақ, Эбола эпидемиясы шамамен 5 жыл бұрын пайда болған. Бұл эпидемияның шыққан жері — Батыс Африка. Бұған дейін бұл дертті емдейтін арнайы ем болмаған.
Эбола — эболавирус себепші болатын адамдар мен приматтардың ауруы. Аурудың алғашқы белгілері екі күннен үш аптаға дейінгі аралықта көрінеді. Бұлшықет пен бас ауруымен бірге жүретін қызба (лихорадка).