Александр Перегуда жаттықтыратын оралдықтар аса тартысты ойындарда Хромтаудың «ТНК «Казхром», Өскеменнің «ШығысҚорғасынҚұрылыс» командасын 3:2 есебімен ұтты. Өкінішке қарай, «Алматы», «Атырау» және бұған дейін бесінші орында тұрған негізгі қарсыласы Петропавлдың «Есіліне» есе жіберді. Сөйтіп «Конденсат» ұпай жағынан жоғары көтеріле алған жоқ, бұрынғысынша алтыншы орында қалып қойды.
«Жайық» волейбол клубынан түскен мәліметке қарағанда, чемпионаттың алтыншы, қорытынды туры Хромтауда 5-13 сәуір аралығында өтіп, жеңімпаз-жүлдегерлер анықталады.
