Қазанның 2-сі «Өркен» спорт кешенінде жалауын көтерген бұл байрақтыт бәсекеге Алматы облысының «Жетісу», Павлодар облсының «Ертіс-Қазхром» және Алматының «ЦСКА Алматы», Астананың «Астана», Қарағандының «Қарағанды», Өскеменнің «Шығыс-ҚорғасынҚұрылыс», Теміртаудың «Металлург» командалары қатысуда. Алғашқы үш күннің қорытындысы бойынша жарыс қожайындары мен қарағандылық волейболшылар ғана жеңілістің ащы дәмін сезінбеуде. Атап айтқанда «Қарағанды» командасы теміртаулықтар мен өскемендіктерден 3:1, алматылықтардан 3:0 есебімен басым түсті. Ал жарыстың алғашқы күні демалыс алған «жетісулықтар», павлодарлықтарды 3:1, астаналықтарды 3:0 есебімен ұтты. Бүгін енді жеңімпаз 2 команда өзара күш сынасатын болады. Жалпы Қазақстан кубогының ширек финалдық ойындары қазанның 8-іне дейін созылмақ. Онда үздік шыққан 4 команда ақтық сында кездеседі.
