Волейболдан әйелдер құрамасы Азия ойындарының қола жүлдегері атанды

Гуанчжоуда өтіп жатқан XVI Азия ойындарында әйелдер құрамасы үздік үштіктің қатарына енді. Нелли Щербакованың тәлімгерлері өткен сенбі күнгі ақтық сайыста Солтүстік Корея құрамасын 3:0 (25-21, 25-16, 25-22) есебімен ойсырата ұтты.

Жалпы бұл байрақты бәсекеде қазақстандықтар тек жартылай сында оңтүстік кореялықтарға (0-3) есе жіберді. Ал Солтүстік Корея құрамасын 3-0 есебімен жеңген жарыс қожайындары ақтық сында, Оңтүстік Корея спортшыларын 3-2 (21-25, 22-25, 25-10, 25-17, 16-14) есебімен ұтты. Соның нәтижесінде қытайлықтар Азия ойындарының жеңімпазы, оңтүстік кореялықтар күміс, қазақстандықтар қола жүлдегер атанды.