Онда негізгі қарсыласынан 20 ұпайға дейін ұзап кеткен Теміртаудың «Спартак АМТ» командасы ел чемпионы атанды. 25 ұпай жинаған қостанайлықтар күміс, ал олардан 2 ұпайға қалып қойған оралдықтар («Грация») қола жүлдені иеленді.Одан кейінгі орындарды Павлодардың «Қазхром» (21 ұпай), Қарағандының «Қарағанды-2» (17 ұпай) және Алматының «Алматиночка» (4 ұпай) командалары өзара бөлісті.
Ақтық турда алматылықтар ғана қоржынына бірде-бір ұпай қоса алмады. 4 турдың қорытындысы бойынша 17 ұпайдан жинап қатар келе жатқан «Қостанай» мен «Грация» командалары арасындағы негізгі сайыста оралдықтар бәсекелестеріне 0:3 есебімен есе жіберіп, күміс жүлдеден біржола үмітін үзді. Үздіктердің сайысынан тыс қалған өзге командалар да турнир кестесіне еш өзгеріс енгізе алмады.