Бұл туралы ҚР Білім және ғылым министрлігінен хабарлады. 31 қаңтардағы нәтижелер бойынша, Дарья Рыбакова фристайлдан — алтын, Денис Моисеев — қола жүлдеге ие болды. 10 шақырымға шаңғы жарысынан — Геннадий Матвиенкоға сондай-ақ қола медаль бұйырды.
Универсиадаға әлемнің 57 елінен 3 мыңнан астам спортшы қатысуда. Жарыс спорттың 12 түрінен өтіп жатыр. Қазақстан құрамасына енген 42 спортшы бұл додада — мәнерлеп сырғанау, сноуборд, шаңғы жарысы, фристайл және хоккейден (ерлер командасы) бақ сынауда.
