Жыл сайын мемлекеттік әлеуметтік жәрдемақылар мен арнайы мемлекеттік жардемақылар 9 пайызға артатын болады. 2010 жылдан бастап 50 айлық есептік көрсеткіш көлемінде төртінші және одан көп бала туғанда біржолғы жәрдемақы өседі, сондай-ақ бала бір жасқа толғанша төленетін ай сайынғы жәрдемақы 2,5 есеге артады.
«Үстіміздегі жылдың 9 айында ішкі жалпы өнімнің өсімі шамамен 4 пайызды құрады. Еліміздегі жұмыссыздық 7 пайыз деңгейінде ұсталып тұр. Тұтыну бағасы тұрақтанды. Бүгін таңертең біз селекторлық кеңес өткіздік, бірқатар өңірлерде тұтыну бағасының төмендегені байқалуда», деді үкімет басшысы.
Оның айтуынша, 10 айдың қорытындысы бойынша елімізде инфляция деңгейі 8,8 пайызға дейін төмендетілді. Екінші деңгейлі банктердің экономиканы несиелеуі былтырғы жылдың соңындағы деңгейде сақталды. «Осы жылдың 10 айында банктердің депозиттері 22 пайызға ұлғайды», деді К. Мәсімов.
Ақпаратты пайдаланған жағдайда «Казахстан Сегодня» ақпараттық агенттігіне сілтеме жасау міндетті
