Спорттық шараға жиналғандарды нұротандықтар атынан құттықтаған облыстық филиал төрағасының бірінші орынбасары Ғалым Шойкин әрқайсысына жарыста жеңіс пен табыс тіледі. Зеренді, Сандықтау, Бурабай аудандары мен облыстық зағиптар қоғамының өкілдері спорттың алты түрі бойынша бақтарын сынады. Аймақтық сайысқа барлығы 26 үміткер қатысқан болатын. Үшкүндік жарыс қорытындысында мылтық атудан сандықтаулық Ринат Ганетдинов, стол тенисінен бурабайлық Арман Жолдасов, шахматтан зеренділік Серік Ахметов, дойбыдан сандықтаулық Сергей Логиновский, тоғызқұмалақ бойынша сайыста Сандықтау ауданының сполртшысы Дүйсенбай Әкешев бірінші орынды еншілеп, арнайы дипломмен және бағалы сыйлықпен марапатталды.
