Бұл туралы Caravan.kz медиа порталы Kozachkov telegram арнасына сілтеме жасап хабарлайды.
«Бас прокурор Берік Асыловтың тағы бір туысын таптым. Бұл жағдай тіптен ерекше. Берік Ноғайұлының туған құдасы 8 жылға сотталған болатын. Бірақ ол түрмеде бар жоғы 4 ай ғана отырған. Ол заң жүзінде ақталған жоқ, ол 6,5 млрд теңге шығынды да өтеген жоқ. Бірақ отбасына оралды. Мұндай да болады екен», деп жазды Kozachkov telegram арнасы
2019 жылы Сыбайлас жемқорлыққа қарсы қызмет жемқорлықпен айналысқан шортанды қолға түсіріп, Мемлекеттік материалдық резервтегі қаражатты ұрлау схемасын әшкереледі. Осы аттас комитет Ұлттық экономика министрлігіне қарайды.
Сыбайлас жемқорлыққа қарсы қызмет өкілдері «Резерв» РМК филиалдары Мемлекеттік материалдық резервтер комитетінің (ММРК) лауазымды басшылары мен азық-түлік жеткізушілеріне қатысты 6,5 миллиард теңге сомасында аса ірі мөлшерде сеніп тапсырылған мүлікті ысырап ету деректерін анықтайды.
Сол жылдары комитетті Бақытбек Иманалиев басқарды, тергеудің мәліметінше, қымбат тауар атын жамылып, арзан тауарларды сатып алу схемасын сол кісі ұйымдастырған. Салдарынан бюджет 6,5 миллиард теңге шығынға ұшырап, Иманалиев 8 жылға бас бостандығынан айырылды.
Бірақ ол жазасын тез өтеді. 2022 жылдың жазында босап шықты. Яғни ақпан айында отырды, маусымда шықты. 8 жылдың орнына 4 ай.
Бірақ неге бұлай болды?
«Орда» басылымындағы әріптестер анықтағандай, 2022 жылдың маусым айында Қапшағай қалалық соты оны ауыр сырқатына байланысты жазасын өтеуден босатқан. Ал бұл ауруды «Хирургия институты» жекеменшік клиникасының кардиология бөлімі анықтапты. Иманалиев 40 күн жатып шықан. Ақырында, дәрігерлер жайсыз үкім шығарды – «жағдай өте қиын, түрмеде отыра алмайды» деген. Сот әрине мұнымен келісті. Заң оған рұқсат береді.
