"Шамалы болсын етектеріңізді жауып жүріңіздерші. Сіздерге қарап жас қыздар өседі ғой…"," Көпшіліктің алдына мұндай ашық суреттер жариялағаны ұят енді"," Кинода қазақтың текті қыздарының рөлін ойнаған адамның түрін қара. Масқара! "Әкем мен ағаларым мені көреді деп ойламай ма екен?!", — деп жазып жатты олар.
Әншінің барлық адамдар сияқты суға түсіп жүргенін айтып, оған сын айтқандарға қарсы жауап берген оқырмандар да табылып жатты.
«Ол орынды. Ойбай пікір жағымсыз жазылып жатыр немесе жазылмай жатыр деген емес. Пікір жазылмаса ол жаман. Пікір жазылмаса саған ешқандай да қызығушылық танытылмайды, еленбейді», – деп оларға жауап қатты Кәмшат.
Сонымен қатар, әлеуметтік желіде әнішінің сіңілісі де сын садағына жиі ілігеді. Батыл образдарымен оқырмандарын таң қалдырудан шаршамайтын кіші Жолдыбаева, бүгінде Кәмшаттың сахналық образына өзіндік үлесін қосып жүрген көрінеді.
«Өз жолымен тым жақсы келе жатқан қасымдағы сіңілім. Маған көмектесетін тұсы ол ақылдасу, кеңесу. Образдарымды, стилімді… сол жағынан талғамы жоғары. Былайша айтқанда, халықтың алдына шыққан образдарымның барлығы сол Алтынаймен ақылдасып жасалатын дүниелер», – дейді Жолдыбаева.
