Жамбыл облысында жаңа су қоймасы салынады

Бұған қажеттілік аймақтың аграрлық аудандары - Жамбыл, Байзақ, Меркі, Тұрар Рысқұловта вегетативтік кезеңде суармалы судың жетіспеушілігінің тұрақты үрдісімен түсіндіріледі. «Қазгидромет» РМК-ның Жамбыл облысы бойынша филиалы директорының ақпаратынша, су қоймасын Меркі ауданындағы Аспара өзенінде салу жоспарлануда. Онда жобаны іске асыру үшін сәйкестендірілген техникалық және экологиялық мүмкіндіктер бар. Аспара су қоймасының шамаланып отырған сыйымдылығы 30-дан 50-ге дейін миллион текше метрді құрайды.