Оның сөзінше қонақ асы “қонақ күту” дегенге сайып бара жатқандай.
Бұл туралы ол Facebook желісіндегі парақшасында жазды, — деп хабарлайды Caravan.kz медиа порталы.
”Осы біздің кісі жерлеу салтымызда бір бұрмаланып кеткен нәрсе бар. Жаназадан бір күн бұрын қонағасын береміз ғой. Соны бір «қонақ» сөзімен байланыстырып, «қонақ асы» деп ұғып кеткен сияқтымыз. Меніңше болғанда, ол «қонағасы» — «қонаға» деген сөзден шығады, яғни, сүйекті оң жаққа қойып, шаңырағына бір қондыратын түн деген сөз сияқты. Әйтеуір, өзіміз солай деп келдік, алайда жұрттың көбіне «қонақ асы» деп жазғанына қарасам, «қонақ күту» дегенге сайып бара жатқан сияқты.
Этнограф, дін мамандары осыны бір тарқатып көрсе.
Қонақ асы — қисынсыз көрінбей ме?”, — деп жазды тіл маманы.
