Жапонияда апат салдарынан жоғалғандарды іздеу қайта қолға алынды

11-наурызда жер сілкінісі мен цунами салдарынан жоғалғандарды қайта іздеу жөніндегі ауқымды операция бейсенбіде басталды, деп хабарлады Эн-Эйч-Кей телеканалы.

4 мыңға жуық полиция қызметкері, әскерилер және өрт сөндірушілер апат салдарынан зардап шеккен елдің солтүстік аудандарындағы іздеу операцияларына қатысуда. Қазіргі уақытта жоғалып кеткендер санатында 8 мыңнан аса адам бар. Іздеу операциясы 18-маусымға дейін жалғасады.