«Жас қанат» өнерпаздары жеребе тартты

 Эльдар Омаров, Астана, № 13:
— Маған он үшінші нөмерлі сан түскеніне өте қуаныштымын. Шынын айтсам, оныншы қатысушыдан кейін сахнаға шығуды жоспарлаған болатынмын, себебі көбінесе соңғы өнерпаздар көрермен қауымының есінде қалады. Сондықтан да осы тұрғыда қатты алаңдап отырғаным жоқ, өйткені символикалық сандарға мүлдем назар аудармаймын.

Данияр Жәутіков, Өскемен, № 1:
— Концертте бірінші болып шығу — үлкен жауапкершілік. Көптеген байқауларда тартқан жеребелерде бірінші нөмір маған тиетін. Ең бастысы — өзімнің жетекшімді жерге қаратқым келмейді. Осы орайда өзімнің өнерімді көпшілікке паш етіп, қазылар алқасының көңілінен шығып, көрермендердің есінде қалғым келеді.

Меруерт Тойбекова, Қарағанды, № 7:
— Ішімнен жетінші нөмірде сахнада шығатынымды сезінген болатынмын. Сондықтан да жеребе нөмірлері жатқан үстелге қарай сенімді қадам бастым. Осы байқауда сәтті өнер көрсетемін деп ойлаймын, себебі жеті саны — қазақ халқы үшін қасиетті сан. Салтымызда осы санға байланысты түсініктер жиі кездеседі.