Бұл туралы Caravan.kz медиа порталы Sputnik.kz-ке сілтеме жасап хабарлайды.
Еңбек және халықты әлеуметтік қорғау министрлігі әлеуметтік-еңбек саласына қатысты 19 мыңға жуық өтінішті жасанды интеллектке қосылған чат-бот өңдегенін мәлімдеді
«Биылғы жылдың сәуір айында азаматтармен кері байланысты жеделдету және операторларға түсетін жүктемені азайту мақсатында интеллектуалды чат-бот іске қосылды. 1 қыркүйектегі жағдай бойынша жасанды интеллект 18,7 мың өтінішті өңдеді», — деп жазылған хабарламада.
Интеллектуалды чат-бот азаматтар мен байланыс орталығының арасындағы бастапқы өзара әрекетті автоматтандыруға арналған:
пайдаланушыларға анықтамалық ақпарат беру,
жиі қойылатын сұрақтар бойынша кеңес беру,
қажет болған жағдайда өтініштерді тиісті бөлімдерге жолдау функцияларын орындайды.
Чат-бот өтініштерді қабылдаудың бірыңғай кіру нүктесі ретінде жұмыс істейді және келесі мүмкіндіктерді қамтамасыз етеді:
1.мемлекеттік қызметтер мен әлеуметтік қолдау шаралары туралы ақпаратты жедел ұсыну;
2.цифрлық платформаларда бағдар алуға пайдаланушыларға көмек көрсету.
Жүйеге типтік өтініштерге автоматты түрде жауап беруге мүмкіндік беретін білім қоры жүктелген. Чат-бот қазақ және орыс тілдерінде жұмыс істейді, бұл барлық санаттағы пайдаланушыға ыңғайлы болуын қамтамасыз етеді.
Чат-ботты енгізу сұраныстарды өңдеу жылдамдығын арттыруға, операторлар жүктемесін азайтуға және азаматтарға көрсетілетін қызмет сапасын жақсартуға мүмкіндік берді. Қазіргі таңда мәтіндік және дауыс арқылы берілген өтініштерді қоса алғанда, барлық өтініштің 96%-ға дейінгі бөлігі жасанды интеллект арқылы автоматты түрде өңделуде.
