Жастар Алматыдағы РФ консулдығы алдында Кеден одағына қарсы наразылық шарасын өткізді

Шараға он шақты адам қатысты, деп «Интерфакс-Қазақстан» агенттігі тілшісі хабарлады.

«Біз экономикалық Кеден одағының саяси одаққа айналуына, КСРО-ның қайта құрылуына және сол үшін Қазақстан тәуелсіздігін құрбан етуге қарсымыз», — деп клуб жетекшісі Жанболат Мамай мәлім етті.
«Біз жастар ұйымдары мен азаматтық қоғам өкілдері Кеден одағын тек экономикалық одақ қалпында қалдыруды талап етеміз. Бұл талаптарымыз орындалмайтын болса Кеден одағына қарсы шаралар ұйымдастырамыз», — деп атап өтті ол.
Одан кейін Ж.Мамайды құқық қорғау орындарының қызметкерлері ұстап әкетті.
Наразы топ «Кеден одағы құрылғаннан кейін Қазақстанда бірқатар қиындықтар пайда болғанын» алға тартты. Жанар-жағармай, шетелдік көліктер мен азық-түлік бағасы қымбаттады дейді олар.