«Көп мәселе жаһандық экономика мен саясаттың барлық субъектілері үшін тиімді даму формуласының табылу, табылмауына байланысты. Біріншіден, әлемдік экономикалық және валюталық жүйеде түбегейі өзгерістер бола ма, болмай ма? Ондай өзгерістердің қажеттілігі туралы бүгін көп айтылып жүр, бірақ бірде-бір тұшымды шешім қабылданған жоқ. Екіншіден, ол өзгерістер әлем елдеріне, олардың қарапайым азаматтарына қалай әсер етеді? Жаһандық проблемалардың себептерін түсіну мен оларды шешудің «кілттерін» табу бүкіл әлемдің келешегін мазмұндайды», деп атап көрсетті Қазақстан Президенті.
Мемлекет басшысы өз сөзінде сондай-ақ Петербор форумында осынау бағытта маңызды қадам жасалатындығына сенім білдірді.
