Үстіміздегі жылы «7-20-25» бағдарламасы бойынша Қарағанды, Жезқазған және Сәтпаев қалаларында 1052 пәтер салынады. Сонымен қатар, аталмыш бағдарлама бойынша бюджеттік сала қызметкерлеріне тұрғын үй сертификаттары берілмек. Бұл үшін облыстық бюджеттен бір миллиард теңге қарастырылған. Жезқазғанда тұрғын үй құрылысын жалғастыру жоспарлануда. Мысты қалада биыл республикалық бюджет есебінен 60 пәтерлі тұрғын үй салу көзделіп отыр. Сондай-ақ, жеке инвестициялар есебінен салынған 90 пәтерді пайдалануға беру жоспарлануда. Облыс әкімдігінің мәліметінше, 2020 жылға қарай Жезқазғанның 226 отбасы қоныс тойын тойлайды.
Жалпы облыста биыл «Нұрлы жер» бағдарламасы бойынша 420 мың шаршы метрді құрайтын 4 300 пәтер салу жоспарланған.
«Республикалық бюджет есебінен көпбалалы және аз қамтылған отбасылар үшін аймақта бірнеше үй бой көтереді. Жезқазған, Сәтбаев, Қарқаралы, Абай қалалары мен Осакаров, Жаңарқа, Бұқар жырау аудандарына жалпы саны 372 пәтер салынады. Сонымен қатар, жалға берілетін үйлер де пайдалылуға беріледі. Алдымыздағы жылы өңірде жалғы берілетін 400-ден астам пәтер салу көзделуде. Олар Теміртау, Саран, Приозерск қалалары мен Бұқар Жырау, Ақтоғай, Шет аудандарында салынады», — дейді Қарағанды облысы құрылыс басқармасының басшысы Тайхан Қалмаханов.
