Десе де халық олардың бұл атақты не себепті алғандарын түсінбей дал, деп хабарлайды Caravan.kz медиа порталы.
Қуанышты жаңалықтарымен өнер иелерінің өздері бөлісті.
Марапат алғандардың қатарында Рухия Байдүкенова, Фариза Жолдасова, Жұлдызай Дүйсенбиева, дизайнер Ғани Көбеек және т.б. бар.
Десе де көпшілік аталған жандардың не себепті марапат алғанын түсінбегендерін жазуда.
«Жұлдызай жарайды, бәрінің ішінен соны ғана танимыз, қалғандарына не жоқ?», «Бұлар дардай атақты алатындай елге не еңбегі сіңді сонша?», «Тізімде неге Қайрат Нұртас жоқ? Оның да еңбегі көп, ол неге атақ алмайды?», «Не деген бітпейтін марапат бұл? Марапат алғаннан басқа не істейді біздің әртістер?!» деп жарыса жазды олар.