Екі қадам аттаса ентігіп, талып қалатын бүлдіршін анасының қолынан түспейді. Осы жасына дейін сәбиге Туркияда екі рет операция да жасаған. Бірақ нәтиже жоқ. Енді бар үміт неміс мамандарында. Нұрсезімнің жақындары машақаты көп квотаға қол жеткіземіз деп жүріп баланың ауруын асқындырып алған. Қуандықовтар үшінші операцияға керекті 60 мың еуроның жартысын өздері жинап та қойыпты. Кішкентай ғана Нұрсезімнің тағдырына бей-жай қарай алмаған жомарт жандар енді қалған қаржыны жинауға көмектессе деген үмітпен отыр.
Қызболған Мырзатаева, әжесі:
— Бар үмітіміз германиялықтарда. Біз екі рет операция жасаттық, енді үшінші операция жасау керек. Отаның жарты сомасын жинадық. Қалған соманы жинауға шамамыз жоқ.