Бұл туралы Caravan.kz медиа порталы Sputnik .kz-ке сілтеме жасап хабарлайды.
Жыл басынан бері республикалық бюджеттен 346 млрд теңге зейнетақы төленді, деп хабарлайды еңбек және халықты әлеуметтік қорғау министрлігі.
Оның ішінде базалық зейнетақы төлеуге – 111,8 млрд теңге, ынтымақты зейнетақы төлеуге – 234,2 млрд теңге қарастырылды.
Қазақстанда бүгінгі күні барлығы 2 млн 445 мың адам зейнетақы алады.
«Жиынтық зейнетақының орташа мөлшері 143 248 теңге, оның ішінде ынтымақты зейнетақы мөлшері – 95 789 теңге, базалық зейнетақы – 47 459 теңге», — дейді ведомство.
2023 жылдан бастап бес жыл ішінде ең төмен базалық зейнетақы көлемі ең төмен күнкөріс деңгейінің 70%-не дейін, ең жоғары – 120%-ке дейін жыл сайын кезең-кезеңімен артады.