«Бүгінде телекоммуникация барынша қарқынды дамуда. Ұялы байланыстың үшінші буыны 3G желісімен 2015 жылдың басына қарай тұрғындар саны 10 мың адамнан асатын елді мекендер мен барлық аудан орталықтарының аталған технологиямен қамтамасыз етілуі жоспарлануда», — деді министр.
Сонымен қатар оның айтуынша, ағымдағы жылдың соңына дейін ұялы байланыстың 4G LTE стандарты енгізілетін болады.
«Біз оны Алматы мен Астана қалаларында іске қосамыз деп үміттенеміз. Ал одан кейін біртіндеп Қазақстан қалаларында дамытамыз. Жобаны ілкі режімде «Қазақтелеком» АҚ жүзеге асыруды бастады. Ұялы байланыстың төртінші буыны LTE стандартының ілкі жобасын ұйымдастыру және тестілеу үшін Астана және Алматы қалаларының аумағында базалық стансалары орнатылған», — деді ол.
Айта кетейік, ҚР Статистика агенттігінің шұғыл ақпаратына сәйкес, 2012 жылы байланыс саласында ұялы байланыс абоненттерінің және Интернет желісін пайдаланушылар саны бойынша өсу динамикасы байқалады. Ұялы байланыс абоненттерінің саны 29,9 млн. адамды құрады, Интернет желісін пайдаланушылар саны 2012 жылдың 3 тоқсанында 9,7 млн. адамға өсті.