Оқырман таңдауы бойынша Илья Ильин «2012 жылдың ең үздік спортшысы» атанып отыр. Мыңға жуық оқырман дауыс берген сауалнама қорытындысы бойынша ауыр атлет Ильин 50% дауыс иеленді. Ал екінші орынды боксшы Серік Сәпиев еншіледі. Оған оқырмандардың 28%-ы дауыс берген. Үздік үштікті Ақжүрек Таңатаров иеленді (8%).
Сондай-ақ оқырмандарының таңдауы бойынша жас ауыр атлет Нұрсұлтан Рахатов «жылдың ең үздік жас спортшысы» атағын жеңіп алды. Оған оқырмандарымыздың 27%-ы дауыс берген. Екінші орында шахматшы Жансая Әбдімәлік (23%). Анна Нұрмұхамбетова үздік үштікке енді (19%).