1997–2012 жылдары туған бұл ұрпақ жұмысқа жаңа көзқараспен қарап, компаниялардағы дәстүрлі еңбек қатынастарына өзгеріс әкеліп жатыр, деп хабарлайды Caravan.kz медиа порталы.
Нh.kz зерттеуіне сәйкес, жұмыс берушілердің 94%-ы зумерлермен жұмыс істеп көрген.
Негізгі ерекшеліктері:
Еркіндік пен икемділікке ұмтылады – 78%;
Жеке шекараларға құрмет күтеді – 55%;
Жұмыс өз көңілінен шығуы маңызды – 49%.
Бұрынғы буын миллениалдардан басты айырмашылығы – зумерлер мансап емес, мағына іздейді. Олар өз ісінен рахат алғысы келеді, ал шектеу мен қатаң бақылау мотивацияны төмендетеді.
Зерттеу зумерлердің эмоционалды интеллекті жоғары екенін көрсетеді. Олар қатал басқару стилін қабылдамайды, бірақ сенім мен ашық диалог жағдайында тиімді жұмыс істейді.