Бұл туралы Caravan.kz медиа порталы хабарлайды.
Көршілердің айтуынша, жарақат алған әйелді алғаш болып оның кіші ұлы көрген. Анасының дауысын естіген жігіт бөлмеден шыққанда, оны қансырап жатқан жерінен байқаған. Ол дереу жедел жәрдем шақырғанымен, дәрігерлер әйелді аман алып қала алмады. Ол жансақтау бөлімінде қайтыс болған.
Ерлі-зайыпты шамамен 25 жыл бірге тұрған. Олар төрт бала тәрбиелеп өсірген. Қайғылы оқиғаға нақты не себеп болғаны әзірге белгісіз.
Жергілікті тұрғындардың айтуынша, оқиғадан кейін әйелдің күйеуі де өзіне жарақат салып, өз-өзіне қол жұмсауға әрекет жасаған. Ер адам ауруханаға жеткізілген.
Қазір күдікті ұсталып, қамауға алынған. Оқиғаның мән-жайын полиция анықтап жатыр.