Қазақстан 2018 жылы мұнай өндіру көлемін 110 млн тоннаға жеткізбек

2018 жылы Қазақстан мұнай өндіру көлемін 110 млн тоннаға жеткізбек. Бұл туралы еліміздің Экономика және бюджеттік жоспарлау министрі Ерболат Досаев мәлім етті.


           «Мұнай және газ министрлігінің болжамына қарағанда, 2018 жылы бізде өндірілетін мұнай көлемі 110 млн тоннаға жетеді», — деді ол үкіметтің сәрсенбідегі отырысында Қазақстанның 2014-2018 жылдарға арналған әлеуметтік-экономикалық даму жобасымен таныстыру барысында.
           Қазақстан 2012 жылы 66 млн 461 мың 500 тонна мұнай мен 12 млн 749 мың 200 тонна газ конденсатын өндірген болатын.