Ресейлік маман Виктор Кумыков жаттықтыратын қарағандылықтардың тізіміне 25 футболшы енген.
Қақпашылар: Стас Покатилов, Валерий Фомичев, Сергей Ткачук және Александр Мокин;
Қорғаушылар: Никола Васильевич, Асхат Борантаев, Андрей Порываев, Евгений Тарасов, Алдин Джидич, Михаил Габышев, Сергей Малый, Бақыт Әбуов және Александар Симчевич;
Жартылай қорғаушылар: Гедиминас Вичюс, Мақсат Байжанов, Вадим Боровский, Аслан Дарабаев, Геворг Казарян және Рохер Каньяс;
Шабуылшылар: Тоқтар Жаңғылышбай, Андрей Финонченко, Роман Муртазаев, Станислав Лунин, Игорь Зенькович және Сергей Хижниченко.
Еске сала кетейік, Еуропа Лигасының топтық кезеңіндегі алғашқы матчын «Шахтер» қыркүйектің 19-нан 20-на қараған түнде Грекияда жергілікті ПАОКқа қарсы өткізеді. Ойынның басталуы Астана уақытымен 01:05-те. Бұл матчқа көрермендер қатыса алмайды. Ал 3 қазан күні қарағандылықтар елордадағы «Астана-Арена» стадионында өз алаңында алғашқы ойын өткізеді. Кездесу Астана уақытымен 22:00-де басталады.