Алматы соты «Жұлдыздар отбасы» журналының бас редакторы Жарылқап Қалыбайды тұтқынға алу себептерін түсіндіріп берді

Алматы соты «Жұлдыздар отбасы» журналының бас редакторы Жарылқап Қалыбайды тұтқынға алу себептерін түсіндіріп берді.


           «Сотта Ж.Қалыбайдың алкогольді ішімдік ішіп, 26-тамыз күні Анталия-Алматы бағытына қатынайтын ұшақ бортында балағат сөздер айтқаны, қоғамдық тәртіпті бұзып, азаматтардың мазасын алғаны анықталды», — делінген хабарламада.
           Бортсеріктер акт толтырып, тәртіпке бағынбаған жолаушыны Ішкі істер органы қызметкерлеріне тапсырды, делінген хабарламада.
           Сот отырысында Ж.Қалыбайдың айыбын стюардесса мен алты куәгер растап берді.
           «26-тамыз күні сағат 23:00-де толтырылған медициналық куәландыру актісі Ж.Қалыбайдың алкогольдік ішімдік ішкенін растады», — делінген хабарламада.
           Сотталушы кінәсін жартылай мойындады. Сондықтан ол заң бойынша 10 тәулікке емес, 3 тәулікке қамауға алынды