Павлодарда Үкімет басшысы бұрынғы химиялық зауыттың негізінде салынған «Каустик» АҚ-да болады. Мұнда мұнда мембрандық әдіспен хлор мен каустикалық сода шығарылады. Жобаның құны — 16,2 млрд. теңге. Оған қажетті шикізат облыс аумағындағы тұзды көлдерден алынады.
Павлодардан С. Ахметов Бозшакөл полиметалл кен орнына ат басын бұрады. Онда тау-кен байыту комбинатының құрылысы жүргізіліп жатыр.
Үкімет басшысының жұмыс сапарының жоспары барысында көмір тасу үшін жартылай вагон жасап шығарушы Екібастұз «Қазақстан вагон құрылысы компаниясы» ЖШС-не барып, оның даму келешегімен танысады.
Содан кейін, С. Ахметов инновациялық жобаны жүзеге асырып жатқан бұру бағыттамалары мен темір жол дөңгелектерін өңдейтін зауыт «Проммашкомплект» ЖШС-не барады деп күтіледі.