Ресей Байқоңырды әлі көп жылдар бойына пайдаланбақ –РФ СІМ жетекшісінің орынбасары

2015-2018 жылдары Ресей Байқоңырдан ұшырылуға тиіс ғарыштық аппараттардың бір бөлігін Восточный ғарышжайынан ұшыратын болады, алайда ол Байқоңырға толықтай альтернатива бола алмайды, деді РФ СІМ жетекшісінің орынбасары Григорий Карасин.


           "Амур облысындағы Восточный ғарышжайы қазір салынуда, ғарыштық аппараттарды ұшыру жоспарларының бірқатарын Байқоңырдан сонда 2015-2018 жылдары ауыстыру көзделген", деді ол сейсенбіде "Коммерсант" газетінде жарық көрген мақаласында.
           Сонымен қатар, дипломат атап өткендей, алдағы жылдары Восточный ғарышжайы Байқоңырға толықтай альтернатива бола алмайды.
           "Байқоңыр бүкіл керекті, яғни төмен, орташа, жоғары орбиталарға ғарыштық аппараттарды ұшыруға мүмкіндік береді", деді Г.Карасин.