Пхукетте туристік сот пайда болады

Пхукет курорттық аралында (Таиланд) 24 қыркүйек туристік сот жұмысын бастайды, деп Phuket Gazette мәлімдеді.


           Басылымның мәліметі бойынша, осы жылдың соңына қарай Таиландта тағы бес туристік сот жұмысын бастайды. Бірінші сот 5 қыркүйекте Паттаяда ашылды.
           Арнайы соттардың мақсаты туристерге ақыл кеңес және мәлімет беру, сондай-ақ шешімді жеделдету болып табылады.
           Әрбір туристік сот ресми түрде «Туристерді қорғау секциясы» деп аталады және жергілікті аймақтық әкімшілік сотқа кіреді.
           Тайлық биліктің айтуынша, соттарды құру елде туристерге арнап қауіпсіз орта құруға бағытталған науқанның бір бөлігі болып табылады.