Орталық «Алтай аймағының дәстүрлі ұлттық мәдениетін дамыту және сақтау» ведомстволы бағдарламасының аясында құрылып, Новосельский Мәдениет үйінің негізінде жұмыс істейтін болады.
Орталықтың салтанатты ашылуы бүгін, 18 қыркүйек күні өтеді. «Ауданның қонақтары мен тұрғындарына орыс және қазақ мәдениетінің концерттік нөмірлерінен құралған мерекелік бағдарлама ұсынылады. Шараға Қазақстанның Павлодар мен Успенский ауданынан келген қонақтар қатысады», — деп Алтай аймағының Мәдениет және құжаттама ісі бойынша басқармасында хабарлады.
Жаңа мекемеде қазақ халқының тұрмысы, тарихы мен мәдениетіне арналған арнайы экспозиция қойылған. Сонымен қатар, жақында орталыққа қажетті қазақ киімдері мен музыкалық аспаптар жеткізіледі.
