Оқ бойы озып шыққан Артур Ардавичустің көлігі. Қазақстандық көк түсті «Татра»-ны көкжиектен байқаған жанкүйерлер оны қошеметпен қарсы алып, жүргізушісіне құттықтауларды қарша боратты. Бұл кезеңде де автошабандоздардың көбі мәреге жете алмай, жарты жолда қалып қойған. Күннің қызуынан бірталайы есінен таңып, жарысты тоқтатуға мәжбүр. Ал жеңіл көлікті тізгіндеген қалған екі экипажымыз әзірге 20-шы және 41-ші орында.