"Өкінішке орай, қанша капиталдың қайда кетіп қалғандығы туралы шынайы статистика жоқ, бірақ біз халыққа дұрыстап түсіндірсек, кепілдік етсек, халық капиталын заңдастыру мүмкіндігіне сенсе, онда оның есебі миллиард доллар болып қалар", деді ол Астанада сәрсенбіде республика президенті жанындағы Орталық коммуникациялар қызметінде өткен баспасөз мәслихатында.
Бұл акцияның екі мақсаты бар, деді ол.
"Бір жағынан жасырын экономика мәселесі шешіледі, түсіну керек, азаматтар салық төлемейтін болса, мүлігін көрсетпесе, мемлекет тарапынан белгілі бір кезден бастап қатаң репрессия басталады, мен 2017 жылдың 1-қаңтарын айтып отырмын", деді ол.
"Екінші мәселе, біз Ұлттық банк ретінде екінші деңгейдегі банктерге депозиттерге көп ақша келе бастайды деп күтеміз, бұл банк секторын қорландырудың тағы бір көзі болмақ", деді ол.