"Көрменің өткізілуіне 2,5 жыл қалды. Көрме өткізу сәтіне дейін шұғыл қызмет, медициналық қамсыздандыру, сервистің бүкіл қызметкерлері ағылшын тілін кем дегенде базалық деңгейде білуге тиіс", деді президент жұмада Астананы дамыту жөніндегі жиында.
Н.Назарбаев атап өткендей, көрмеге көптеген шетелдік адам келмек.
"Қалаға үлкен жүктеме түсетін болады. Мәселен, бір сәттің өзінде Астанада тамақтандыру қызметінің көлемі екі есеге артпақ.Әкімшілік және мемлекеттік органдар оған алдын-ала дайын болуға тиіс. Бүкіл сауда нүктелері, сервис төлем терминалдарымен жарақтандырылуға тиіс. Банктерде қолма-қол ақшаның жеткілікті көлемі болуы шарт", деді ол.