Былтыр кен орны ашылған кезде теңіз астымен тартылған құбыр 2 рет жарылып өндіріс мүлдем тоқтаған болатын. Оның жақын арада жандануы екіталай. Теңіз астындағы 200 шақырымға созылатын құбыр ауыстыру жұмыстарының өзі кемі бір жылға дейін жалғаспақ. Сондықтан мұнай өндіру 2015-ші жылдың соңынан басталуы мүмкін. Егер де, тағы тосын жайт орын алмаса. Ал апаттан көз ашпаған Қашағанның тұралауынан Қазақстан биыл жарты пайыз ішкі өнімнің өсімінен қағылады. Бұл шамамен 2 миллиард доллар. Кенішке мол инвестиция құйған АҚШ, Ұлыбритания, Франция мен италиялық алпауыт мұнай компаниялары да межелеген табысынан қағылары анық.