Петропавлдағы мүгедектерді спортқа баулитын «Үміт» клубы бір жарым жыл бұрын ғана құрылған. Соған қарамастан Сочиде өткен паралимпидалық ойындарда бес жолдаманың екеуі қызылжарлық мүгедектерге бұйырды. «Дегдар» қорының арқасында клуб мушелері енді құны бір жарым миллион теңгеден асатын спорттық шаңғыларға ие болды. Бұрын олар кәдімгі велосипедтің көмегімен жаттығатын. Шаңғымен бірге берілетін қосымша құрылғылардың бәрі де өте сапалы дейді мамандар.
Жанат Сексенбаев, «Дегдар» қорының жоба жетекшісі:
-Спорттық жабдықтар әр спортшының дене бітіміне арналып жасалған. Аяқ киімі, шаңғы таяғы бәрі де әлемдік брендтерге сай. Сондықтан бірнеше жыл тозбайды деп ойлаймыз. Біз де өз кезегінде спортшылардан енді тек жеңістер күтеміз.