Соққының қатты болғаны сонша, автобустың алды жапырылып жүргізушіні қысып қалған. Құтқарушылар оны арнайы құрылғының көмегімен жарты сағаттың ішінде зорға дегенде алып шықты. Ал, соғылар кезде жайбарақат отырған жолаушылардың біразы жарақат алған. Жалпы зардап шеккен 14 адамның екеуі стационарлық көмектен бас тартты. 7 адам облыстық клиникалық ауруханаға жатқызылса, қалғандары қаладағы нөмірі 7, 5 және 4-ауруханаларға жеткізілген.
Сағит Маханов, Алматы облыстық клиникалық ауруханасының дәрігері:
-Ауруханаға түскендердің жағдайлары бір қалыпты. Бірақ автобус жүргізушісін бірден жансақтау бөліміне жатқыздық. Оның миы шайқалып, бас сүйегіне зақым келген. Екі тобығы мен және оң жақ тізесі сынған.