«Қызылқоға аудандық сотының үкімімен Сағыз ауылының тұрғыны А.Мансұрова ҚР ҚК-нің 97-бабында қарастырылған қылмысты жасағаны үшін айыпты деп танылды. Ол 4 жылға дейін бас бостандығынан айыру жазасына кесілді», — деп хабарлады облыстық соттың баспасөз хатшысы Боранбай Ғалиев.
Еске сала кетейік, 2014 жылдың 23 шілдесінде Сағыз ауылының тұрғындарының бірі — әйел адам ордан ішіне жаңа туылған сәби салынған полиэтилен пакетін тауып алған. Қыз бала ол кезде тірі болған. Оны ауруханаға жеткізіп, сол жерде кіндігін кескен. Алайда нәресте ауыр зақымдар алғаннан, облыстық перзентханада қаза болды. Көп ұзамай оның анасы 33 жастағы А.Мансұрова екені анықталды. Сот алдында ол өз кінәсін толықтай мойындады.