Облыстық ІІД баспасөз қызметінің хабарлауынша, өзін ҰҚК арнайы жасағы қызметкері деп таныстырған белгісіз ер адамның ұялы телефонын тартып алып, қомақты көлемде ақша талап еткенін полицияға Текелі қаласының тұрғыны хабарлаған.
«Алматы облысы полицейлері күдіктіні қолға түсірді. Ескелді ауданында тұратын 31 жастағы азаматтың қолындағы құқық қорғау мекемесінің куәлігі де жалған болып шықты», — делінген хабарламада.
Күдікті уақытша оқшаулағышқа тоғытылып, оның үстінен қылмыстық іс қозғалды.