Ақтөбеде балық қырылып жатыр

Су бетіне өлекселер осыдан төрт күн бұрын қалқып шыға бастаған. Алғашқыда жұрт мән бермегенімен, кейін жағалауда өлі шабақтар қаптап кеткен соң, тиісті мекемелерге хабар беріпті. Әзірге балықтың қырылу себебі белгісіз. Сынама алынып, сараптамаға жіберілген. Қортындысы бір аптасыз анықталмайды. Болжам бойынша, шабақтар қатты ағысқа шыдамай қырылуы мүмкін. Себебі, жақында өзенге Ақтөбе суқоймасынан артылған су ағызылған екен.