Көршілес жатқан Ақтөбе облысы Ырғыз ауданының тұрғындары өздерінің денсаулықтарына да алаңдап отыр. Себебі жайылымға шыққан төрт түліктің бастары ісіп, тұрған жерлерінде қатып қалады екен. Қазір бұл өңірде өлген малдың дені бұзау мен құлын. Сондай-ақ, киік жаппай қырылған Сұңқария жерінен 20 шақты дала қоянының өлекселері табылған. Дегенмен, жергілікті билік, киік пен мал өлімін байланыстырғылары келмейді.
Қайыпбай Бекежанов, Қостанай облыстық ветеринария басқармасының басшысы:
-Өлген малды тексергенімізде оның жұқпалы дерт емес екенін аңғардық. Сондықтан қырылған киіктермен байланыстыра алмаймыз.