Қарағандыдағы супермаркетте азық-түлік торғайлардың жеміне айналды

Алып ғимараттың жоғары жағында құс атаулы қаптап жүретініне жұрттың көзі үйренген. Торғай ораманы тесіп, етті жұлып жеуге дәндегені сонша адамнан да қаймығатын түрі жоқ. Көргендердің айтуынша, құстар ірімшік, қаймақ, шұжық және жеміс -жидектерге де ауыз салады екен. Супермаркет басшылығы, қойма есіктерінен жүкпен бірге кіретін құстарды жоюға тырысып жатқандарын айтады. Тұтынушылар құқығын қорғау басқармасы болса, шағым түспесе шара қолдана алмаймыз деп бейқам отыр.