Алматыда «Луна» дәмханасына қосарлана заңсыз салынған тамақтану орны бұзылды. Кәсіпкер өзіне тиісті жерден бөлек, кәуап пісіретін жазғы алаң ашқан. Талапқа сай емес сауда орнына тұрғындар да бірнеше рет шағым жасап келген. Құзырлы орган өкілдері, рұқсатсыз салынған кәуапхананы бұзу туралы бір жыл бұрын шешім шығарған еді. Алайда кәсіпкер осы уақытқа дейін саудасын жасап келген. Алматы қаласы бойынша осындай заңсыз салынған 16 нысан бар. Олардың жартысы бұзылған. Алдағы уақытта қалған жетеуі жойылады.
Рахым Орынбаев, мемлекеттік сот орындаушы:
— Бір жыл бұрын алдын ала ескертілген. Бұзу туралы күшіне енген соттың үкімі болған. Соны олар орындап отырған жоқ қазіргі уақытта. Сол себептен біз бүгінге мәжбүрлі орындау тағайындап, орындайын деп отырмыз.