"Науқас Баян Есентаева ауруханадан шығарылды. Ендігі емін үй жағдайында қабылдайды. Жағдайы қанағаттанарлық", — деп хабарлады аурухананың ем қабылдау жөніндегі директорының орынбасары Ербол Сәрсенбаев.
Еске салайық, белгілі продюсер Баян Есентаева Талғар аудандық орталық ауруханасына 10 маусым күні жеткізілген болатын. Болжам бойынша, оның күйеуі — Бақытбек Есентаев Еңбекші ауданындағы Құлжа тас жолының бойында оны соққыға жығып, пышақ жарақатын cалған. Ер адам екі айға қамауға алынды.